Падчас бойкі каля начнога клуба ў Віцебску загінуў 32-гадовы мужчына
Ілюстрацыйнае фота.
Бойка паміж дзвюма кампаніямі наведвальнікаў клуба адбылася 10 снежня каля 3.30. Каб вырашыць канфліктную сітуацыю мужчыны выйшлі на вуліцу, дзе і здарылася бойка, падчас якой адзін з удзельнікаў інцыдэнту ад атрыманых траўмаў сканаў.
«Удзельнікаў бойкі забрала міліцыя, але таго, хто нанёс смяротны ўдар сярод іх не аказалася. Прагледзеўшы запісы камер відэаназірання, следча-аператыўная група ўстанавіла, што цялесныя пашкоджанні пацярпеламу нанёс 30-гадовы мясцовы жыхар. Падазраванага ў здзяйсненні злачынства супрацоўнікі крымінальнага вышуку Кастрычніцкага РАУС затрымалі па месцы жыхарства», - патлумачылі ва УУС Віцебскага аблвыканкама.
У дадзены момант высвятляюцца ўсе абставіны здарэння. Вядома, што і ахвяра, і падазраваны - раней не судзімыя жыхары Віцебска, мелі працу. Гарадскі аддзел Следчага камітэта распачаў крымінальную справу.
