Мінск названы самай таннай еўрапейскай сталіцай для зімовых паездак расіян
Самай таннай еўрапейскай сталіцай для паездкі на зімовы ўік-энд стаў Мінск. Пра гэта сведчаць дадзеныя даследавання «Лента.ру».
Фота Сяргея Гудзіліна
Пры складанні рэйтынгу топ-10 ўлічваліся звесткі аб кошце пералёту з Масквы ў абодва бакі, а таксама цана двух начэй у трохзоркавых гатэлях у 35 еўрапейскіх сталіцах з 16 па 18 снежня.
Адпачынак у Мінску абыдзецца ў 271 беларускі рубель (8 886 расійскіх). З іх 119,43 беларускага рубля прыпадае на пералёт, яшчэ 151,3 рубля - на гасцініцу. Адзначаецца, што зэканоміць на авіябілетах атрымаецца толькі пры адпраўленні з падмаскоўнага аэрапорта Жукоўскі.
На другім месцы размясцілася Вільня — 357 беларускіх рублёў.
Трэцюю пазіцыю займае Будапешт - 365 беларускіх рублёў.
Таксама ў дзесятку лідэраў увайшлі Кіеў, Рыга, Браціслава, Прага, Хельсінкі, Бялград і Варшава.
Самай дарагой еўрапейскай сталіцай гэтай зімой прызнаны Берн. Агульны кошт адпачынку ацэньваецца ў 1 460 беларускіх рублёў.
