Знайсці
27.10.2016 / 22:173РусŁacБел

Муж выхавальніцы дзіцячага дома атрымаў 15 гадоў калоніі за гвалтаванне непаўналетніх выхаванак

Суд Добрушскага раёна разгледзеў на закрытым пасяджэнні крымінальную справу па абвінавачанні мясцовага жыхара 1966 года нараджэння.

Як паведамляе прэс-служба Гомельскага абласнога суда, суд прызнаў жыхара райцэнтра вінаватым у іншых дзеяннях сэксуальнага характару, учыненых насуперак волі пацярпелай, з прымяненнем гвалту, з выкарыстаннем бездапаможнага стану пацярпелай, паўторна, асобай, якая раней учыніла згвалтаванне, здзейсненых у дачыненні да заведама малалетняй, і у замаху на палавыя зносіны насуперак волі пацярпелай, з прымяненнем гвалту, з выкарыстаннем бездапаможнага стану пацярпелай (згвалтаванні) заведама малалетняй.

Канчаткова жыхару Добруша прызначаныя 15 гадоў пазбаўлення волі з адбываннем пакарання ў папраўчай калоніі ва ўмовах ўзмоцненага рэжыму. Прысуд не ўвайшоў у законную сілу і можа быць абскарджаны і апратэставаны.

Нагадаем, пацярпелымі па крымінальнай справе былі прызнаныя дзве малалетнія дзяўчынкі. Гвалт адбываўся ў дзіцячым доме сямейнага тыпу, выхаванкамі якога былі пацярпелыя, дзе акрамя іх было яшчэ шасцёра дзяцей.

Гвалтаўнік — муж выхавальніцы дзіцячага дома. Раней ён таксама быў выхавальнікам, але потым пайшоў працаваць у іншую сферу. Муж і жонка, якія выгадавалі двух біялагічных дзяцей, выйгралі права стаць выхавальнікамі праз раённы конкурс. У дзяржаўных органаў, якія адказваюць за захаванне правоў дзяцей, не было прэтэнзій да бацькоў-выхавальнікаў. Сям'я выйгравала на розных конкурсах прызавыя месцы.

Раней грамадскі рэзананс атрымала падобная гісторыя ў Светлагорску. Галава сям'і (таксама дзіцячы дом сямейнага тыпу), у якой выхоўваліся 13 дзяцей, за гвалтоўныя сэксуальныя дзеянні ў дачыненні да непаўналетніх выхаванак быў асуджаны на 15 гадоў калоніі, а яго родны сын, на той момант 17-гадовы, за згвалтаванні атрымаў 9 гадоў.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера