Брытанскія вайскоўцы могуць адмовіцца ад Еўрапейскай канвенцыі па правах чалавека
Жаўнеры падчас баявых дзеянняў могуць быць вызваленыя ад выконвання Еўрапейскай канвенцыі па правах чалавека, піша independent.co.uk.
Урад Вялікабрытаніі лічыць, што празмерныя еўрапейскія патрабаванні ствараюць умовы, у якіх жаўнеры вымушаныя празмерна рызыкаваць сваім жыццём і здароўем.
Брытанскі жаўнер у Афганістане. Фота independent.co.uk
Да таго ж постфактум жаўнеры і дзяржава ў цэлым робяцца ахвярамі шматмільённых позваў у суд.
«Тыя, хто служыць на перадавой, павінны мець нашу падтрымку, калі яны вяртаюцца дамоў», — заявіла прэм'ер-міністр краіны Тэрэза Мэй.
Адмова ад падпарадкавання вайскоўцаў Еўрапейскаму суду па правах чалавека (ЕСПЧ) не значыць, што яны не павінны будуць выконваць патрабаванні міжнароднага гуманітарнага заканадаўства, у тым ліку Жэнеўскай канвенцыі.
З 2004 года Міністэрства абароны Вялікабрытаніі вымушанае было заплаціць больш за £100 млн у выглядзе штрафаў па справах, якія разглядаў ЕСПЧ.
У 2015 годзе Украіна прыняла рэзалюцыю, згодна з якой не можа гарантаваць выкананне некаторых міжнародных абавязкаў у сферы праў чалавека на тэрыторыі Крыма і асобных раёнаў Данецкай і Луганскай абласцей «да поўнага спынення ўзброенай агрэсіі Расійскай Федэрацыі».