Схаваная камера зняла, як нявеста мільянера збівае сама сябе дзеля судовага пазову ВІДЭА
Мэры Хант, былая нявеста мільянера Скота Мітчэла з штата Фларыда (ЗША), падала сустрэчны пазоў у суд, абвінаваціўшы мужчыну ў хатнім гвалце, паведамляе Daily Star.
У адказ ён апублікаваў відэа, знятае на схаваную камеру ў яго доме. На запісы відаць, як 29-гадовая Хант сама б'е сябе па твары і па галаве менавіта ў тых месцах, дзе пазней утварыліся сінякі. Былая нявеста раней прадставіла гэтыя сінякі як доказ віны Мітчэла.
Судовы працэс быў пачаты яшчэ летась, калі неўзабаве пасля расстання ў жніўні 2015 года мільянер абвінаваціў былую нявесту ў крадзяжы каштоўнасцей на суму два мільёны даляраў. Іх знікненне ён выявіў неўзабаве пасля разрыву. Праз некаторы час Мітчэлу патэлефанаваў бацька Хант і, знаходзячыся ў стане моцнага алкагольнага ап'янення, распавёў, што дачка даслала яму «бранзалеты, брыльянты, усё».
У адказ Хант заявіла, што жаніх біў яе. Відэазапіс, які абвяргае яе словы, на прадмет мантажу вывучаюць эксперты. Сума кампенсацыі па пазове, заяўленая Мітчэлам, складае чатыры мільёны даляраў.
