Беларускую ўдзельніцу «Дома-2» каханак паклікаў замуж ФОТЫ
26-гадовая мінчанка Крысціна Ляскавец — адзіная беларуска на расійскім тэлевізійным рэаліці-шоу «Дом-2». На праекце яна жыве ўжо год.
Крысціна паведаміла ў сацыяльных сетках, што атрымала прапанову ад свайго каханка, 24-гадовага Фёдара Стралкова.
«Сёння мой самы шчаслівы дзень! Сёння развеяліся мае страхі і сумневы! Я вельмі хвалявалася, я ніколі так не нервавалася… Я да гэтага часу памятаю твой погляд і твае рукі. Гэта было вельмі кранальна і рамантычна. Я памятаю кожны момант, які быў на відэа… Ты мой самы родны, даруй за мае капрызы і нервы! Я цябе моцна-моцна кахаю! І на тваё: «Ты выйдзеш за мяне?» Я сто тысяч адкажу таааааак!», — напісала яна Укантакце.
Крысціна Ляскавец можа стаць першай беларускай, якая возьме шлюб у тэлепраекце «Дом-2».
