Па памеры грудзей беларускі займаюць 39-е месца ў свеце — рэйтынг
Вынікі нядаўняга даследавання, апублікаваныя ў навуковым часопісе The Journal of Female Health Sciences, паказалі, што беларускі па памеры грудзей займаюць 39-е месца ў свеце. Самы распаўсюджаны памер станіка ў краіне — B.
Ілюстрацыйны здымак. Фота Сяргея Гудзіліна з парада бландзінак.
Узначаліла топ Амерыка, але аўтары даследавання падзялілі ЗША на дзве катэгорыі — беласкурыя жанчыны, якія належаць да еўрапеоіднай расы, і іншыя амерыканкі. Амерыканкі, якія належаць да еўрапеоіднай расы, апынуліся на першым месцы. За амерыканкамі ў спісе ідуць жыхаркі Канады, а затым — «іншыя амерыканкі».
Усяго навукоўцы параўналі грудзі 400 тысяч жанчын са 108 краін. Па іх словах, веды, атрыманыя падчас даследавання, неабходныя для паляпшэння маркетынгу ў моднай і касметычнай індустрыях.
Краіны, у якіх жывуць жанчыны з самым вялікім бюстам:
1. ЗША (еўрапеоідныя амерыканкі)
2. Канада
3. ЗША (іншыя амерыканкі)
4. Ірландыя
5. Польшча
6. Вялікабрытанія
7. Нідэрланды
8. Калумбія
9. Ісландыя.
10. Венесуэла
…21. Украіна
…28. Літва
…30. Латвія
…39. Беларусь
…40. Расія
Даследаванне таксама паказала, што ўладальніцы самых маленькіх грудзей жывуць пераважна ў краінах Азіі.