Знайсці
01.07.2016 / 10:52РусŁacБел

Амбасада Украіны ўзнагародзіла Андрэя Стрыжака за дабрачыннасць у зоне АТА

Стваральнік ініцыятывы «Гуманітарны маршрут Беларусь — АТА» гамяльчук Андрэй Стрыжак узнагароджаны ганаровай граматай амбасады Ўкраіны ў Беларусі за сваю працу ў зоне АТА.

Таксама ўкраінская амбасада ўшанавала і іншых валянтэраў ініцыятывы «Гуманітарны маршрут Беларусь — АТА».

У выступе ва ўкраінскай амбасадзе ў Менску Андрэй Стрыжак адзначыў, што яго дапамога ўкраінцам пачалася яшчэ ў часы Эўрамайдану, калі ён працаваў на гарачай лініі валянтэрскай ініцыятывы «Эўрамайдан-SOS».

Потым, калі ўжо пачалася вайна на Данбасе, зьявілася ідэя займацца гуманітарнай дапамогай у зоне ваеннага канфлікту.

«Наш галоўны накірунак — дапамога людзям, якія знаходзяцца ў зоне канфлікту. Акрамя таго, мы таксама дапамагаем мэдыкам, якія працуюць у зоне канфлікту», — апавёў Стрыжак.

За час сваёй працы валянтэры сабралі грошы, купілі і даставілі на фронт тры санітарныя аўтамабілі.

«Гэта такая народная дыпляматыя, якая паказвае, што звычайныя беларускія людзі дапамагаюць украінцам у цяжкі момант», — дадаў ён.

Акрамя таго, валянтэры сабралі каля 7 тон гуманітарнай дапамогі.

Часовы павераны ў справах Украіны ў Рэспубліцы Беларусь Валер Джыгун падзякаваў беларускім валянтэрам:

«Цяпер Украіна перажывае няпросты час. Стаіць пытаньне пра тое, каб адстаяць сувэрэнітэт і незалежнасьць. І вельмі прыемна, што зараз разам з нашымі патрыётамі беларускія сябры, валянтэры».

Радыё Свабода

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера