Куба не забіў… Партугалія перамагла Польшчу па пенальці
Вызначыўся першы паўфіналіст Еўра-2016.
Фота uefa.com.
Асноўны час гульні паміж Партугаліяй і Польшчай скончыўся ўнічыю – 1:1.
Ужо на 2-ой хвіліне адзначыўся форвард палякаў Роберт Левандоўскі. Гэта першы гол зорнага форварда «бяла-чырвоных» на турніры.
На 33-яй хвіліне Рэната Санчэс аднавіў лік на табло. А вось Крыштыяну Раналду, хоць і меў шмат момантаў, аднак іх не рэалізаваў.
Дзеля справядлівасці варта сказаць, што партугальцы былі да перамогі ў асноўны і дадатковы час крышачку бліжэй за палякаў.
Урэшце ўсё дайшло да серыі пасляматчавых пенальці. Серыю якраз і пачынаў Крыштыяну Раналду, ён развёў мяч і польскага брамніка Фабьянскі па розных кутах. Следам упэўнена забіў Роберт Левандоўскі. Далей біць трэба было менш дасведчаным гульцам.
Пачыналася барацьба нерваў, у каго яны здадуць першымі. Здалі ў таго, у каго чакалася найменш.
Не забіў Куба Блашчыкоўскі – другая зорка палякаў. Куарэжма не схібіў. Партугалія выходзіць у паўфінал. Пры гэтым каманда не атрымала яшчэ ніводнай перамогі ў асноўны час.
Заўтра вызначыцца яе супернік. Гэта будзе ці Уэльс ці Бельгія. Гульня пачнецца а 22:00.