Спёка вяртаецца
29 чэрвеня ўмовы надвор'я Беларусі ў асноўным будзе вызначаць вобласць павышанага атмасфернага ціску, па ўсходзе адаб'ецца ўплыў франтальнага падзелу. Чакаецца пераменная воблачнасць. Пераважна без ападкаў, толькі месцамі ва ўсходніх раёнах кароткачасовыя дажджы, навальніцы. Вецер паўночны, умераны, пры навальніцах парывісты.
Тэмпература паветра мінімальная ноччу +12.. + 17°С, па паўднёвым усходзе да + 19°С, максімальная днём +23.. + 29°С. Атмасферны ціск істотна не зменіцца.
30 чэрвеня надвор'е абумовіць вобласць павышанага ціску. У асобных раёнах пройдуць кароткачасовыя дажджы, прагрымяць навальніцы.
Тэмпература паветра мінімальная ноччу +12.. + 18°С, максімальная днём +25.. + 30°С, па паўднёвым захадзе да + 32°С.
1 ліпеня большая частка краіны будзе заставацца ў полі павышанага ціску, на паўночным захадзе адаб'ецца ўплыў атмасфернага фронту. Месцамі па паўночна-заходняй палове чакаюцца кароткачасовыя дажджы, навальніцы.
Тэмпература паветра мінімальная ноччу +13.. + 20°С, максімальная днём +26.. + 32°С.