EPAM паглынуў кітайскую кампанію з 1400 супрацоўнікамі
Сума ўгоды не называецца, але EPAM можа дазволіць сабе купляць кампаніі за дзясяткі мільёнаў даляраў.
Амерыканская ІТ-кампанія EPAM, якая мае беларускія карані і найбуйнейшае падраздзяленне ў Мінску, набыла кітайскую кампанію Dextrys. Умовы пакупкі не называюцца.
Да цяперашніх офісаў у Шэньчжэні і Ганконгу пакупка дадасць EPAM цэнтры ў Шанхаі, Гуанчжоў і Сучжоў, узмацніўшы прысутнасьць кампаніі ў Кітаі. Цэнтральны офіс Dextrys месціцца ў Ньюбурыпорце, штат Масачусэтс (ЗША). Кітайская кампанія займаецца распрацоўкай праграм, кіраваннем праектамі, аўтаматызацыяй тэставання, працуе з кліентамі ў сферы вытворчасьці і продажу як софту, так і спажывецкіх тавараў. Штат кампаніі налічвае 1400 чалавек (у EPAM па ўсім свеце — 18 000).
Гэта не першая буйная пакупка EPAM. Летась кампанія набылаамерыканска-індыйскую Alliance Global Services са штатам у 1200 чалавек за 51,3 млн даляраў, два гады таму — ганконскую Jointech за 36,8 млн.
