Галоўны трэнер зборнай Украіны па футболе падаў у адстаўку
Галоўны трэнер зборнай Украіны па футболе Міхаіл Фаменка падаў у адстаўку пасля няўдалага выступу каманды на чэмпіянаце Еўропы па футболе ў Францыі.
Пра гэта ён сказаў у інтэрв'ю, апублікаваным на афіцыйным сайце Федэрацыі футбола Украіны.
«Які сэнс працягваць, калі заданне, якое было пастаўленае перад намі, мы не выканалі? Я бяру адказнасць за адсутнасць выніку на сябе і падаю ў адстаўку», — заявіў Фаменка.
Каманда не толькі не змагла выйсці з групы, але і прайграла ўсе тры матчы ў групе. Пры гэтым падапечныя Міхаіла Фаменкі не забілі ніводнага гола і сталі найгоршай зборнай чэмпіянату.
Кажучы пра прычыны няўдалага выступлення зборнай на Еўра-2016, галоўны трэнер назваў няпростую групу, нязручны каляндар, а таксама псіхалагічную негатоўнасць некаторых гульцоў да чэмпіянату.
