На 89-гадовую сястру Васіля Быкава напаў рабаўнік, яна ў рэанімацыі ў цяжкім стане
Пра гэта паведаміў у Фэйсбуку журналіст і грамадзкі актывіст Глеб Лабадзенка.
Валянціна Быкава
Глеб Лабадзенка піша:
https://www.facebook.com/photo.php?fbid=861057347353923&set=a.243923682400629.55633.100003489980797&type=3&theater
«Патэлефанавала яе суседка, распавяла жах, у які цяжка паверыць. Учора зранку Валянціна Уладзіміраўна пачула нейкі шум у бакоўцы, выйшла паглядзець, у гэты момант атрымала моцны ўдар. Стала крычаць, нападнік стаў заціскаць ёй рот. У выніку зламаў некалькі рабрынаў і руку. Яна здолела выклікаць хуткую, цяпер яна ў рэанімацыі Вушацкай лякарні.
У яе ўжо былі следчыя, міліцыя і кіраўніцтва райвыканкама. Удар быў ззаду, таму яна не пабачыла і не запомніла нападніка. Як сказала суседка, з хаты нічога не прапала — нападніка нешта спужала і ён уцёк.
Іншых падрабязнасцяў суседка не паведаміла.
Заўтра яна ідзе пераведваць Валянціну Уладзіміраўну, тады занясе ёй тэлефон і будзе магчымасць з ёй пагутарыць.
У ліпені Валянціне Уладзіміраўне споўніцца 90 год».
