З топ-10 прамысловых гігантаў за год звольнілі 8 тысяч работнікаў
«Наша Ніва» параўнала, на колькі змянілася колькасць работнікаў 50 найбуйнейшых прадпрыемстваў краіны — ад МАЗа (17535 работнікаў) да Барысаўскага завода медыцынскіх прэпаратаў (2686 работнікаў).
Часцяком гэта горадаўтваральныя прадпрыемствы, ад паспяховасці якіх залежыць дабрабыт цэлых населеных пунктаў.
За год сукупная колькасць работнікаў на гэтых топ-50 прадпрыемствах скарацілася з 271 тысяч да 259 тысячы чалавек.
Але найбольш адчувальна крызіс ударыў па раздзьмутых штатах топ-10 прадпрыемстваў накшталт МТЗ і МАЗа. Іх сукупная колькасць работнікаў зменшылася са 124 да 116 тысяч чалавек.
Топ-5 прамысловых гігантаў па колькасці звольненых за год работнікаў
1. МТЗ — 1846 чалавек
2. МАЗ — 1344 чалавекі
3. Белшына — 1187 чалавек
4. МАПІД — 1146 чалавек
5. Нафтан — 981 чалавек
Топ-5 прамысловых гігантаў па колькасці нанятых за год работнікаў
1. МЗКТ — 550
2. Бабушкіна крынка — 386
3. Магілёўаблаўтатранс — 338
4. БМЗ — 195
5. Беларуськалій — 168
