БАТЭ перамог на апошніх хвілінах «Белшыну», «Дынама» вырвала нічыю ў «Слуцка»
Учора прайшлі чарговыя матчы чэмпіянату Беларусі па футболе, стартаваў пяты тур.
«Дынама» - «Слуцк». Фота by.tribuna.com.
У Мінску на стадыёне «Трактар» «Дынама» прымала «Слуцк». Гульня прайшла пры малой падтрымцы заўзятараў, на трыбуны прыйшло менш за тысячу чалавек. Усю гульню «Дынама» мела перавагу, аднак не атрымлівалася рэалізозваць.
У сярэдзіне другога тайма Сяргей Глябко вывеў гасцей наперад. Гэта быў першы ўдар «Слуцк» у створ варот. Праўда, напрыканцы гульні Яраслаў Яроцкі дакладным ударам у кут зраўняў лік – 1:1.
БАТЭ ездзіў ў Бабруйск да «Белшыны». Гэта матч зноў засведчыў вялікія праблемы ў абароне чэмпіёнаў. Барысаўцы прапусцілі два мячы. Праўда, забілі на адзін больш. На 89-ай хвіліне перамогу БАТЭ прынёс латвійскі абаронца Каспар Дубра – 3:2.
«Шахцёр» перамог дома аўтсайдэра чэмпіянату наваполацкі «Нафтан» – 2:0. А «Мінск» вяртаецца з Гродна з перамогай над тамтэйшым «Нёманам» – 1:0.
Сёння згуляюць: «Іслач» – «Дынама» (Брэст), «Славія» – «Віцебск», «Граніт» – «Гарадзея», «Тарпеда-БелАЗ» – «Крумкачы».
Табліца пакуль выглядае наступным чынам: БАТЭ – 13 пунктаў (5 гульняў), «Мінск» – 10 (5), «Іслач» – 10 (4), «Дынама» (Мінск) – 9 (5), «Крумкачы» – 8 (4), «Шахцёр» – 7 (5), «Слуцк» – 6 (5), «Тарпеда-БелАЗ» – 5 (4), «Граніт» – 5 (4), «Белшына» – 5 (5), «Віцебск» – 4 (4), «Гарадзея» – 4 (4), «Славія» – 4 (4), «Дынама» (Брэст) – 3 (4), «Нёман» – 2 (5), «Нафтан» – 1 (5).
