Знайсці
04.04.2016 / 18:541РусŁacБел

МУС не будзе па сваёй ініцыятыве прыцягваць да адказнасці карыстальнікаў пірацкай прадукцыі

Міністэрства ўнутраных спраў не мае намеру па ўласнай ініцыятыве прыцягваць да адказнасці звычайных карыстальнікаў пірацкіх праграм, інфармацыйнай прадукцыі, якая нелегальна запампавана, размешчана і выкарыстоўваецца ў сетцы. Такая выснова вынікае з выступлення на прэс-канферэнцыі ў Мінску намесніка начальніка першага аддзела першага ўпраўлення Галоўнага ўпраўлення па барацьбе з эканамічнымі злачынствамі МУС Аляксандра Пагоскага.

4 красавіка набылі моц некаторыя папраўкі ў Кодэкс аб адміністрацыйных правапарушэннях (КаАП), у тым ліку тыя, якія датычацца парушэння аўтарскіх правоў і правоў на інтэлектуальную ўласнасць.

«Калі нейкі студэнт запампаваў сабе на камп'ютар мелодыю і затым распаўсюдзіў яе сярод сваіх аднагрупнікаў, то ў нас няма нават прававой падставы пачынаць адміністрацыйны працэс, — падкрэсліў Пагоскі. — Таму што, каб устанавіць гэты факт, нам трэба нейкая заява [ ад праваўладальніка] ці хаця б аператыўная інфармацыя [аб правапарушэнні]. Аператыўную інфармацыю ў дачыненні да студэнта па гэтых фактах наўрад ці можна атрымаць легальным шляхам — не такое сур'ёзнае правапарушэнне ён учыняе. Што да падачы заявы праваўладальнікам або аўтарам, то ў маёй практыцы яшчэ не было фактаў, каб праваўладальнік або аўтар падаваў заяву ў адносiнах да фiзiчнай асобы, якая сваім сябрам ці знаёмым па лесвічнай пляцоўцы перадала нейкі твор па тэлефоне».

У той жа час прадстаўнік МУС адзначыў, што асоба, якая так паступае, усё ж учыняе правапарушэнне і тэарэтычна можа быць прыцягнута да адказнасці. «Фактычна ж я далёкі ад думкі, што такія выпадкі ў нас будуць у практыцы ў найбліжэйшыя пяць ці дзесяць гадоў», — адзначыў ён.

Перапублікацыя спасылак на кантрафактнай прадукцыі ў сацыяльных сетках таксама з'яўляецца правапарушэннем, аднак на практыцы МУС не стане «апускацца да такога ўзроўню, каб складаць пратаколы ў дачыненні да падобных фактаў». «У нас дастаткова сур'ёзных фактаў, на якіх трэба засяродзіць свае намаганні», — дадаў Пагоскі.

Такім чынам, папраўкі ў КоАП накіраваныя на спыненне масавага распаўсюджвання кантрафактнай прадукцыі. У рэальнасці гэта тычыцца асоб, якія займаюцца продажам пірацкіх дыскаў, а ў віртуальным свеце — торэнт-сайтаў, на якіх агрэгатуецца велізарны масіў пірацкай інфармацыі. Пры гэтым чыноўнік МУС звярнуў увагу на тое, што беларускія праваахоўнікі могуць змагацца толькі з тымі распаўсюджвальнікамі пірацкай прадукцыі, чые серверы знаходзяцца на тэрыторыі Беларусі.

БелаПАН

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера