Знайсці
05.02.2016 / 13:3976РусŁacБел

Трылер у Гомелі: жонка ледзь не зарэзала мужа за тое, што той не так купіў селядца

У судзе Цэнтральнага раёна Гомеля сёння пачалося слуханне крымінальнай справы ў дачыненні да 66-гадовай жанчыны, якая пырнула нажом мужа за тое, што ён купіў за яе грошы селядзец.

Пра выпадак паведаміла прэс-сакратар Гомельскага абласнога суда Вольга Барсукова.

З матэрыялаў справы вядома, што сямейная пара, якая раней у крымінальных справах заўважаная не была, вяла паасобны бюджэт

Муж быў на пенсіі, але яшчэ і падпрацоўваў, перад інцыдэнтам меўся атрымаць заробак. Але перад гэтым захацеў паспытаць селядца. Пазычыўшы грошай у жонкі, ён адправіўся на рынак. Жонка дала мужу Br200 тыс. З умовай, што той патраціць іх толькі, калі яго заробак яшчэ на картку не пералічаны. Даўшы згоду, пенсіянер адправіўся на рынак, а жонка назірала за ім з балкона.

Мужчына мінуў банкамат. Дадому вярнуўся з рыбай, на пытанне жонкі, ці атрымаў заробак, даў адмоўны адказ.

Гэта абурыла жанчыну, і яна пачала выгаворваць мужу. Сварка пенсіянераў скончылася нетрывіяльна: жанчына не разлічыла і пырнула мужа ў бок кухонным нажом. Мужчына адразу адправіўся ў міліцыю, адкуль быў шпіталізаваны. У цяперашні час яго стан праблемаў не выклікае.

Жанчыне прад'яўленае абвінавачванне па ч.1 арт.147 (наўмыснае прычыненне цяжкага цялеснага пашкоджання) КК Беларусі. Сёння падчас судовага пасяджэння былі дапытаныя пацярпелы і абвінавачаная. Пенсіянерка сваю віну цалкам прызнае. У бліжэйшы час таксама плануецца дапытаць сведак па гэтай крымінальнай справе.

БелТА

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера