Знайсці
30.11.2015 / 15:5510РусŁacБел

Жонка Калаўра пайшла на павышэнне ў банку, які належыць Нацбанку

Цяпер яна выканаўчы дырэктар «Банка Масква-Мінск».

Ларыса Калаўр, жонка старшыні Нацбанка Паўла Калаўра, паднялася па кар’ернай лесвіцы. Раней яна была галоўнай бухгалтаркай «Банка Масква-Мінск». Цяпер жа яе асоба пазначаная як выканаўчы дырэктар таго ж банка.

Яшчэ ад пачатку года Міжнародны валютны фонд раіў Нацбанку пазбавіцца «Банка Масква-Мінск». Гэтую фінансавую арганізацыю беларуская дзяржава выкупіла за $55 мільёнаў у расійскіх уласнікаў, бо тыя аказаліся пад санкцыямі Еўрасаюза.

Да ведаў і ўменняў Ларысы Калаўр пытанняў не было, аднак яе высокая пасада ў «Банку Масква-Мінск» магла ўспрымацца як канфлікт інтарэсаў з мужам.

На новым месцы Ларыса Калаўр курыруе упраўленне ўнутранага кантролю, аддзел планавання і аналізу, а таксама аперацыйны дэпартамент.

Дом Калаўраў за «Мінск-Арэнай». Фота Сяргея Гудзіліна.

Ягор Марціновіч

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера