Лукашэнка звярнуў увагу на «актывізацыю супрацьпраўных памкненняў футбольных фанатаў»
Адбылося гэта падчас сустрэчы кіраўніка дзяржавы з кіруючым складам органаў унутраных спраў, унутраных войскаў МУС і курсантамі факультэта ўнутраных войскаў Вайсковай акадэміі.
фота Сяргея Гудзіліна
У прыватнасці, Лукашэнка звярнуў увагу на актывізацыю супрацьпраўных памкненняў асобных моладзевых аб'яднанняў, у прыватнасці футбольных фанатаў.
«Спакой у краіне — гэта галоўнае», — падкрэсліў кіраўнік дзяржывы, паведамляе БелТА.
На думку Лукашэнкі, сямейныя праблемы шмат у чым стымулююць супрацьпраўныя паводзіны падлеткаў. Нягледзячы на прыманыя мэтанакіраваныя меры, у краіне амаль у тры разы вырасла колькасць злачынстваў, учыненых падлеткамі пад уздзеяннем наркотыкаў. «Тут павінны быць сур'ёзныя жорсткія дзеянні. Міністр задачу атрымаў, яна павінна быць выканана», — сказаў Лукашэнка.
