Знайсці
30.01.2015 / 19:16РусŁacБел

Незвычайная кантрабанда: пітоны і малочныя змеі ў цягніку

Гомельскія мытнікі знайшлі ў цягніку Кіеў — Санкт-Пецярбург кантрабандных пітонаў і малочных змей. 

Рэптыліі былі знойдзеныя 28 студзеня ў пункце мытнага афармлення «Цяруха» Гомельскай мытні пры правядзенні кантролю пасажырскага цягніка.

Як паведамляе прэс-група Гомельскай мытні, правадніку аднаго з вагонаў было прапанавана правесці мытнае дэклараванне тавараў, якія яна перамяшчае цераз мяжу. Ад гэтай прапановы яна адмовілася, што было дакументальна зафіксавана. Пасля гэтага супрацоўнікі мытні прынялі рашэнне правесці агляд вагона. 

Тыгравы пітон, фота e1.ru

У міжстолевай прасторы аднаго з купэ сярод схаваных ад мытнага кантролю прамысловых тавараў былі знойдзеныя жывыя рэптыліі. Гэта шэсць тыгравых пітонаў даўжынёй прыблізна 60-65 см, якім ад трох да шасці месяцаў, і шэсць малочных змей, якім прыблізна тры месяцы. 

Малочная змяя, фота ds26.ru

Падчас апытання грамадзянкі і з яе пісьмовых тлумачэнняў было ўстаноўлена, што жывёл і тавар яна ўтаіла ад мытнага кантролю, каб незаконна перамясціць цераз мытную мяжу і затым перадаць нібыта незнаёмым ёй людзям у Гомелі, Магілёве і Санкт-Пецярбургу. 

Кантрабанда канфіскаваная, яе кошт складае прыкладна 73 млн рублёў.

БелаПАН

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера