Белтэлекам: Сёння адбылася DDoS-атака на абсталяванне нацыянальнага інтэрнэт-правайдара

У Беларусі днём 19 снежня ў сувязі з DDoS-атакай на абсталяванне нацыянальнага інтэрнэт-правайдэра РУП «Белтэлекам» адзначаліся цяжкасці з доступам да шэрагу рэсурсаў байнэту.

«Спецыялістамі прыняты ўсе меры па лакалізацыі магчымых праблем», — цытуе БелаПАН паведамленне нацыянальнага аператара сувязі.

DDoS — атака на вылічальную сістэму (звычайна зладжанная хакерамі) з мэтай давесці яе да збою і ускладніць карыстальнікам доступ да рэсурсаў сістэмы.

«Белтэлекам» з'яўляецца першасным інтэрнэт-правайдарам у Беларусі, ажыццяўляе перадачу дадзеных, забяспечвае доступ да міжнародных і беларускіх рэсурсаў інтэрнэту.

nn.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0