Міністр культуры Украіны: Настаў час уводзіць цэнзуру на крамлёўскую прапаганду
Пра гэта міністр культуры Яўген Нішчук заявіў у інтэрв'ю РБК-Украіна.
«Мне, шчыра кажучы, прад'яўлялі прэтэнзіі расійскія СМІ і некаторыя нашы, што мы ўводзім цэнзуру на мастацтва. Маўляў, гэта ж няправільны шлях.
Я адказваў неаднаразова, што насамрэч цэнзуру на мастацтва сапраўды нельга ўводзіць, але цэнзуру на прапаганду, крамлёўскую, у прыватнасці, нарэшце, настаў час увесці.
Яны (расіяне) негалосна гэтую цэнзуру праводзілі ўжо 23 гады. Тое, пра што я ўжо казаў: што забаранялася, каб украінскія акцёры гралі галоўныя ролі. Або пэўныя тэмы выбіраліся ды іншае. Нам час неяк абараняцца і ўводзіць свае правілы. Гэта сродак захавання сваёй культуры, сваіх каштоўнасцей.
Гэта не цэнзура, гэта проста абарона ад агрэсіі, культурнай агрэсіі.
На ўсходзе вось ідзе вайсковая агрэсія, а ёсць яшчэ ў цэлым у дачыненні да ўсёй Украіны інфармацыйная агрэсія, вайна практычна супраць Украіны».
