Знайсці
24.10.2014 / 11:275РусŁacБел

Высветлілася, што будзе з металічнымі літамі з 1 студзеня

Калі 1 студзеня ў Літве будзе ўведзены еўра, у адходы ператворацца купюры і манеты літаў. Куды ўсё гэта дзенецца?

Папяровыя купюры будуць знішчаныя, а манеты атрымаюць другое жыццё. Цэнтрабанк Літвы плануе з іх зрабіць скульптуру «бацькі літа», прафесара Уладаса Юргуціса, піша Delfi.

У скульптуры першага кіраўніка Цэнтрабанка Літвы будуць выкарыстаныя і манеты наміналам адзін літ, знятыя з абароту. «Гэта будзе нібы сімвалічнае вяртанне «доўгу» аднаму са стваральнікаў грашовай сістэмы незалежнай Літвы», — сказаў прадстаўнік банка Гедрус Сіманавічус.

Скульптура будзе пастаўлена ў цэнтры Вільні, каля Цэнтрабанка. Колькі манет спатрэбіцца на яе стварэнне скульптуры, пакуль невядома.

Што стане з астатнімі грашыма?

«Частка іх застанецца ў музеях і калекцыях нумізматаў. Большая частка манет будзе дэфармаваная, а метал прададзены, банкноты — знішчаны», - сказаў Сіманавічус.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера