У гэтыя выходныя Беларусь не будзе пераводзіць стрэлкі гадзіннікаў
У ноч на нядзелю еўрапейскія краіны пераходзяць на зімовы час: стрэлкі гадзіннікаў будуць пераведзеныя на гадзіну назад.
Беларусь, як і тры гады запар, стрэлкі гадзіннікаў пераводзіць не будзе.
«Рашэнне прынята на ўрадавым ўзроўні, — нагадалі «Нашай Ніве» ў Дзяржаўным камітэце па стандартызацыі Рэспублікі Беларусь. — Мы вырашылі адмовіцца ад гэтага пераходу», дадаўшы, што заўсёды апошняе слова за ўрадам
У Расіі стрэлкі гадзіннікаў у ноч на нядзелю будуць пераведзеныя (краіна пераходзіць на пастаянны зімовы час), і такім чынам Мінск і Масква будуць жыць паводле аднаго часу,
а розніца ў часе ўзімку паміж Мінскам і Вільняй (Рыгай, Кіевам) узімку складзе адну гадзіну, з Варшавай, Берлінам — дзве гадзіны. Гэта паўплывае, у тым ліку, на расклад цягнікоў і аўтобусаў міжнароднага значэння.
У канцы сакавіка Еўропа вернецца на летні час.
Беларусь адмовілася ад пераходу на сезонны час у 2011 годзе.
Тады ж адмяніла сезонны перавод стрэлак і Расія. Аднак 1 ліпеня 2014 года Дзярждума РФ прыняла рашэнне вярнуць у краіну зімовы час. Перавод стрэлак будзе праведзены акурат 26 кастрычніка.
Такім чынам: Беларусь стрэлак не пераводзіць, але ў вас могуць самі перавесціся стрэлкі ў гаджэтах, таму будзьце ўважлівымі.
