Знайсці
20.09.2014 / 12:0328РусŁacБел

Кучма ў Мінску абсёк журналіста «Лайфньюс»

Былы прэзідэнт Украіны Леанід Кучма, прадстаўнік Кіева на перамовах па Данбасе, даў адлуп журналісту пуцінскага канала «Лайфньюс» на прэс-канферэнцыі па выніках падпісання пратакола.

На пытанне: «Ну не хочуць ДНР і ЛНР жыць ва Украіне — што рабіць будзеце?» — Кучма адказаў: «Давайце пачуем адказ вашых рэгіёнаў, як хочуць яны жыць і што ім адкажуць. Тады і я вам адкажу на ваша пытанне», — цытуе яго ў сваім Фэйсбуку карэспандэнт Еўрарадыё Зміцер Лукашук.

Сустрэча кантактавай групы ў Мінску закончылася падпісаннем пратакола аб вызначэнні лініі раздзялення бакоў і адводзе цяжкіх узбраенняў. Дамоўленасці замацоўваюць статус-кво Данбаса, падобны да статуса Прыднястроўя пасля 1992 года. Такім чынам, Пуцін дасягнуў сваёй задачы-мінімум, стварэння марыянеткавай квазі-дзяржавы на ўсходзе Украіны, але не дасягнуў задачы-максімум — адрыву ад Украіны яе паўднёвай паловы, якую ў Маскве назвалі «Наваросіяй».

Сяргей Гезгала

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера