Тавары для беларусаў на Ozon і Wildberries абклалі двайным падаткам
Дырэктар Ozon па аперацыях і развіцці ў СНД Аляксей Сапон 21 верасня на форуме ў Мінску паведаміў, што тавары, якія прадаюцца на буйных расійскіх пляцоўках Ozon і Wildberries, двойчы абкладаюцца падаткам на дабаўленую вартасць пры продажы ў Беларусі.
Цяпер тавары, якія прадаюцца на такіх маркетплэйсах, як Ozon і Wildberries, у Беларусі абкладаюцца падаткам на дабаўленую вартасць двойчы. Пра гэта распавядае выданне «Беларусы і рынак».
Паводле слоў Аляксея Салона, гэтая праблема па-ранейшаму актуальная, і яе абмеркаванне адбываецца не толькі на лакальным узроўні, але і сумесна з Еўразійскай эканамічнай камісіяй.
Аднак на якім этапе знаходзіцца рашэнне гэтага пытання, прадстаўнік Ozon адказаць не можа.
Як нагадвае Myfin.by, раней праводзілася сустрэча прадстаўніка Ozon з міністрам антыманапольнага рэгулявання і гандлю Аляксеем Багданавым. На ёй узнімалася тэма змен у беларускім заканадаўстве, якія замацуюць статус маркетплэйсаў у Беларусі.
Афіцыйны прадстаўнік Еўразійскай эканамічнай камісіі Ія Малкіна заяўляла, што цяпер ужо існуе канцэптуальна ўхваленая рэдакцыя паправак у дагавор аб ЕАЭС. Магчыма, гэтыя змены пазбавяць маркетплэйсы падвойнага падаткаабкладання.
Чытайце таксама:
Wildberries зноў адмяніў плату за вяртанне тавару, але замест гэтага прыдумаў нешта новае
А што тычыцца фінансавання пуйла, то гэта да ЕС і іншых, якія ніфіга не зразумелі яшчэ ў 2014-м і зараз працягваюць купляць газ і нафту. Вось дзе фінансаванне, а не тавары з азона. смешна