Прэм'ер Латвіі: З Нілам Ушаковым нам не па дарозе
Пасля выбараў Сейма няма неабходнасці ў стварэнні «вясёлкавага ўрада». Пра гэта ў інтэрв'ю праграме «Нічога асабістага» на TV3 заявіла прэм'ер Латвіі Лаймдота Страўюма («Адзінства»).
«Ушакоў — прадстаўнік сацыял-дэмакратычнага кірунку. Мы — кансерватыўныя, права-цэнтрысцкія. Гэта два розныя напрамкі. У еўрапейскіх краінах яны маюць эфект ківача: або ўрад сацыял-дэмакратаў, або ўрад кансерватараў», — заявіла яна.
«Не думаю, што трэба ствараць вясёлкавы ўрад, калі ёсць магчымасць працягваць працу ў дзеючай кааліцыі», — мяркуе Страўюма.
Палітык дадала, што кааліцыя па-ранейшаму мае большасць у парламенце. У панядзелак пачнуцца кансультацыі з партнёрамі, каб высветліць іх меркаванне аб далейшае працы.
Мэр Рыгі Ніл Ушакоў настойвае, што прэзідэнту Андрысу Берзіньшу варта было б даверыць стварэнне ўрада «Згодзе» [якая фармальна выйграла выбары 4 кастрычніка].
Палітык распавёў, што траціна абраных ад партыі дэпутатаў — латышы, а таксама ў партыі будуць тры новыя дэпутаты.
У прарасійскай партыі «Згода» у 12-м Сейме Латвіі будзе 24 дэпутаты.
23 мандаты атрымала партыя «Адзінства», 21 — Саюз «зялёных» і сялян. Нацыянальнае аб'яднанне заваявала 17 месцаў у парламенце, якія, відаць, і сфармуюць кааліцыю.
Рэгіянальнае аб'яднанне будуць прадстаўляць восем дэпутатаў, No sirds Latvijai — сем.
